Obra completa
As Ferreñas é teatro, pero tamén é radio, e poesía, e moitas outras cousas. Un texto de Paula Carballeira ilustrado por Nuria Díaz.
Escena 1
Cantan cantigas de sempre, pero sonvos ferreñas do século XXI. As protagonistas desta historia canda as cantareiras preséntanse na escena coa que subimos o pano!
Escena 2
Comeza o programa radiofónico especial con cantigas para escorrentar o frío do inverno.
Escena 3
As Cantareiras das Letras incorpóranse ao programa de radio. Adiviñades como se presentan chegadas dende Mens, Cerceda e Muxía? Ou... desde o Alén? Pero non teñades medo!
Escena 4
As Ferreñas e as Cantareiras das Letras pícanse. É un pique entre o presente e o pasado, que sempre acaba en futuro.
Escena 5
Como adoita acontecer no teatro, acaban os piques en festa, resólvense os conflitos e levántase o ánimo. Ilusión e esperanza, que nos fai boa falta.
Reunións para cantar e bailar
En galego temos unhas palabras para lles chamar ás reunións nas que cantamos e bailamos as nosas coplas, algunhas delas sinónimas.
Instrumentos para a música tradicional
Para cantar as nosas coplas o indispensable é aprendermos os versos e facer soar a nosa voz.
